Dabadaba Donostiako Egia auzoan dagoen kontzertu eta klub aretoa da. Gure kokapenak oasi pixka bat du, erabilera erdi industrialeko eremu batean, baina erdigunetik pauso batera eta hiriko auzo berezienetako baten barruan. Horma-irudiz betetako kalezulo baten amaieran, 300 lagunentzako tokia duen areto garbi bat agertzen da. Terraza luze bat ere badu.

Lehen mailako talde teknikoa, soinu bikaina eta ekitaldi bat antolatzeko baliabide ohikoenak ditugu. Gure edukieran sartzen den edozein ekintza sozial edo korporatibok oso leku berezia aurki dezake Dabadaban.