Ammar 808 + Yasser + bogo1k

Ammar 808

Ammar 808 Sofyann Ben Youssef ekoizle eta multi-instrumentista tunisiarraren soinu-proiektua da. Bargou 08 eta Kel Assouf bezalako egitasmoak bultzatu ondoren, antzinako sustraiak eta futurismo distopikoa uztartzeko helburuarekin sortu zuen egitasmo hau. Bere musikak gnawa, stambeli edota raï bezalako Ipar Afrikako tradizioak —baita Indiako hegoaldeko erritmoak ere— berrasmatzen ditu Roland TR-808 bateria-kutxa mitikoaren azpibaxu indartsuekin eta sintetizadore analogikoekin. 'Maghreb United' eta 'Global Control / Invisible Invasion' disko goraipatuek nazioarteko jaialdietako eta elektronika globaleko abangoardian kokatu dute.

Si te gusta_ Mahmoud Guinia, Afrika Bambaataa, Cheikha Rimitti, Nass El Ghiwane

Yasser

Pasaiako DJa da Yasser, sustrai europarrak eta afrikarrak uztartzen dituena, eta euskal klub-eszenako izen nabarmenetako bat bilakatu da. Donostiako Dabadaba bezalako areto erreferenteetan eta Atlantikaldia jaialdian ohikoa izanik, bere saioek mugarik gabeko eklektizismoa eta energia handia dute ezaugarri. Bere set-etan UK club, global bass, afrobeat, dabke, dembow eta baile funk erritmoak uztartzen ditu, estilo-mugak hautsiz eta dantzalekua baxu indartsuz betetako bidaia erritmiko bihurtuz.

Si te gusta_ Omar Souleyman, Buraka Som Sistema, Mina, DJ Nigga Fox

bogo1k

bogo1k Nafarroako DJ eta hautatzailea da, musika elektronikoaren zirkuitu independenteari eta Iruñerriko Plazeratu Klub kolektibo kuirrari estuki lotua. Bere kabinako proposamenak saio kementsu eta dinamikoak eskaintzen ditu, dantzalekua espazio kritiko, jai-giroko eta seguru bihurtzeko helburuarekin. Euskal Herriko underground zirkuituko hainbat espaziotan aritu da, hala nola Donostiako Dabadaba aretoan edota Iruñeko Sanferminetako DLC Gunean; bertan, club soinuak, baxu indartsuak eta elektronika garaikidea uztartzen ditu.