Arizonako Billy + Neska + Alai (live)

Arizonako Billy, euskal eszenan sendo sartu den zarauztarra dugu. Musika bizi-konstante gisa hartuta, 15 urterekin bertako punk eta hardcore taldeetan bateria jotzen hasi zen. 10 urte geroago, plater batzuen atzean jartzea erabaki zuen, elektronikako lehen saioak egiteko. Harrezkero, joera berriak bereganatu ditu etengabe, eta downtempotik hasi eta technoraino doazen elektronikaren aldaera asko entzun ahal izan dira bere saioetan. Edozein ingurunetara egokitzeko duen gaitasuna eta soinu melodiko ilunagoak eta industrialagoak orekatzeko duen ardura direla eta, oso denbora gutxian Euskal Herriko klub onenetako batzuetan biratu ditu bere diskoak. Neska da dantza-pistak itzuli zirenetik klub euforia gehien piztu duen soinu-maletaren artistetako bat, eta Bartzelonako egungo eszena elektronikoan erreferentziazko dj berria bihurtu da. Elektronika, egoera puruan, Bartzelonako emakume honen esku, ez du zapata zolarik uzten etxera itzultzeko. Alai, Euskal Herriko artista eta ekoizle elektronikoa. Lau urte zituenetik musika ikasi zuen eta nerabezaroan musika sortzen saiatu zen, ordenagailu eramangarriaren eta ikasgelan zuen kontrolatzailearen bidez bakarrik ekoizten ikasi zuen arte. Bere estiloa genero askotan oinarritzen da, baina hip-hop, disco eta dance estiloak gustukoenak dituen arren, house erritmoen artean nabigatzea da berarentzat naturalena. Bere zarata metalikoak iluntasunetik estasiraino mugitzen dira biziraupenari buruzko istorio bat eskaintzean.