Modus Operandi + Maloa Brothers

MODUS OPERANDI taldea (Euskal Herria, 2017) Iñaki Ortiz de Villalba kantariak sortu zuen gordeta zituen kantuei irtenbidea emateko. Jai giroko ska, rock, pop eta hainbat erritmo elkartu ditu Modus Operandi taldeak, letren engaiamenduarekin. Modus Operandiren hirugarren lana Erviti Studio-an (Aizoain, Nafarroa) grabatu, nahasi eta masterizatu du Josu Ervitik 2023ko urrian. Hauek dira izan “Atzo” diskoak dituen laguntzaileak: Aiora Renteria (Laztana, Latzen), Afrika Bibang (Mañana será igual, Barricada), Dánae (Oreka, Berri Txarrak), Dupla Taldea (Ellos dicen mierda, La Polla Records), Janus Lester (Itsasoa gara, Ken Zazpi). Diseinua Gaiarrek egin du. Modus Operandi taldearen hirugarren diskoak (Atzo / Gaur) iragana eta oraina batu ditu erakusteko entzuleari etorkizun laburrean taldeak izango duen itxura musikala. “Atzo” diskoko bost abestiek euskal musika taldeei gorazarre egitea dute xede. Bost talde esanguratsu aukeratu dira, baina ez zaie bost horiei bakarrik egiten omenaldia. Taldeak irekian pentsatu du, ate irekien jardunaldia izango balitz bezala, eta Euskal Herriko musikaren berrikuspena egin du. Ez ditu, soil-soilik, bertsioak egin, moldaketa irekiak egitera ausartu da. Taldeak etorkizun laburrean izango duen musika ehundura josi du inolako konplexurik gabe. “Gaur” diskoak Modus Operandi berri bat dakar beste bost kantu berrirekin, nahiz eta kanturen batean aurreko bi diskoetako izpiren bat egon. Etorkizuneko Modus Operandi dago bi diskoetan. Taldeak asko irabazi du bigarren diskotik hona. Kantuak ekoizteko modu berria du Modus Operandik. Txukunketa horietan buru-belarri dago Josu Erviti bateria, teknikaria eta ekoizpenaren arduraduna. Maloa Brothers talde bilbotarra hip-hop doinuetan oinarritzen da, gero hainbat antzeko estiloko erritmoekin atontzeko euren jarduna agertokietan. Aurretik La Raiz, Sutan, Nativa taldeetan egon dira. 2023an sortutako taldeak euskara, portugaldarra eta gaztelaniazko testu kaletarrak erabiliko ditu. Hiru kantariak anaiak bilakaturik sistema eraldatzeko musikarekin.