Barrrk

Barrrk Orozko, Laudio, Bilbo eta Malaga artean sortutako talde indartsua da, bere burua «txakur-musika» egiten definitzen duena. Yasmin Quesnelen ahots karismatikoak gidatuta, laukoteak post-punkaren tentsio bizia eta pop melodia dantzagarriak uztartzen ditu, gitarra ebakitzaileekin eta dinamika aldaketa freskoekin. Zuzenekoetan indarrez agertu eta Walking About (2025) estreinako EPa argitaratu ondoren, Gaztea Maketa Lehiaketako Harrobia Saria eskuratu zuten. Zuzeneko arriskutsu eta boteretsuari esker, euskal eszena berriko proposamen deigarrienetako bat bihurtu dira, Bilbao BBK Live bezalako oholtza nagusietara iritsiz.