Merina Gris

Sara, Julen eta Paskalek 2020an Donostian sortua, anonimotasun eta mozorroen estetikapean, Merina Gris taldeak musika eszena astindu du «pop bortitza» deituriko proposamenarekin. Hirukoak melodia itsaskorrak, sintetizadore urratzaileak, erritmo elektroniko indartsuak eta hyperpop ehundurak uztartzen ditu. Hainbat single arrakastatsuren ostean, 'Zerua Orain' (2022) debut goraipatuarekin sendotu ziren eta 'ZULOA' (2025) lanarekin jarraitu zuten beren ibilbidea. Zuzeneko kementsu eta hunkigarriari esker, gaur egungo abangoardiako proiektu zirraragarrienetako bat bihurtu dira.